पंतप्रधान मा.नरेंद्र मोदी यांनी स्वातंत्र्यदिनाच्या भाषणात दुसऱ्या पर्वातील जीएसटी सुधारणा आणि जीएसटी दरात कपात करण्याची घोषणा केल्यानंतर, खरेदीदारांनी लहान कार आणि दुचाकी वाहने ८-१०% पर्यंत स्वस्त होण्याची अपेक्षा बाळगून त्यांची खरेदी पुढे ढकलण्यास सुरुवात केली आहे .
वाहन उद्योग क्षेत्रातील माहितगारांनी सांगितले की, जीएसटी कौन्सिलची बैठक तीन व चार सप्टेंबरला होणार असल्याने त्याकडे उद्योग जगतातील लोकांच्या बरोबरच ग्राहकांचेही लक्ष लागून राहिले आहे.
सध्या सर्व प्रकारची प्रवासी वाहतुकीची वाहने यावर 28% किंवा त्याहून अधिक जीएसटीचा दर आहे. त्यात किमान दहा टक्के घट होईल अशी अपेक्षा व्यक्त करण्यात येत आहे.
