आपल्या आई-वडिलांसोबत आणि लहान भावासोबत राहत असलेल्या, २२५ चौरस फुटांच्या घरातूनच व्यवसाय सांभाळणाऱ्या अग्रवाल हिने, एका छोट्या फर्ममधील अकाउंटंट म्हणून असलेल्या आपल्या अनुभवाचा उपयोग केला. नॅन्सी अग्रवाल ने गेली तीन वर्षे 'आयकर कायद्याच्या कलम 80GGC चा पद्धतशीरपणे गैरवापर केला,' असे तपास अधिकाऱ्यांनी सांगितले. "आयकर कायद्याच्या कलम 80GGC हे व्यक्तींना राजकीय पक्षांना दिलेल्या देणग्यांवर कर कपात मिळवण्या संबंधी आहे. अग्रवालने तिच्या क्लायंटच्या वतीने विविध राजकीय पक्षांना मोठ्या देणग्या दिल्याचा बनाव रचला.
अग्रवालने रेफरल डिस्काउंटच्या माध्यमातून देशभरात ग्राहक नेटवर्क तयार केले आणि लोकांना अपात्र कपातीचा दावा करण्यास प्रवृत्त केले," असे सूत्रांनी सांगितले. आपले कार्यक्षेत्र वाढवण्यासाठी, अग्रवाल आपखत ग्राहकांना खोटे आयटीआर दाखल करण्यास तयार असलेले नवीन ग्राहक आणण्यासाठी प्रोत्साहन सवलती देत असे.
मेरठ आयकर अन्वेषण पथकाने केलेल्या समन्वित छाप्यांच्या मालिकेनंतर मंगळवारी या कोट्यवधी रुपयांच्या रॅकेटचा पर्दाफाश झाला. अधिकाऱ्यांनी अग्रवालशी संबंधित चार ठिकाणांना लक्ष्य केले आणि तिचे दोन बँक लॉकर उघडले. या झडतीमध्ये ५ लाख रुपये रोख रक्कम जप्त करण्यात आली आणि ४ कोटी रुपयांच्या मुदत ठेवी उघडकीस आल्या. तिच्या ग्राहक नेटवर्कचा तपशील देणारे हस्तलिखित खातेवही, संगणक आणि लॅपटॉपसह मोठ्या प्रमाणात कागदोपत्री आणि डिजिटल पुरावे देखील जप्त करण्यात आले.
विभागाने आता अग्रवाल हीच्यावर खटला चालवण्याची आणि फसवणुकीचे दावे वसूल करण्यासाठी लाभार्थी करदात्यांना नोटिसा पाठवण्याची कार्यवाही सुरू केली आहे. अधिकाऱ्यांच्या मते, ग्राहक प्रामुख्याने पगारदार व्यक्ती आहेत, जे अग्रवाल यांनी बनावट सवलतींद्वारे जास्त परतावा देण्याच्या दिलेल्या आश्वासनांना जाणीवपूर्वक किंवा अजाणतेपणे बळी पडले.
