नरिमन पॉइंट येथील १३ मजली 'आयकर सिंधू' इमारतीच्या उद्घाटनप्रसंगी त्या बोलत होत्या. या इमारतीच्या उभारणीसाठी आवश्यक परवानग्या मिळवताना स्वतः प्राप्तिकर विभागाच्या अधिकाऱ्यांनाही अनेक अडचणींचा सामना करावा लागल्याचे त्यांनी सांगितले. त्यामुळे सामान्य नागरिकांना शासकीय कार्यालयांमध्ये कोणत्या अडचणींना सामोरे जावे लागत असेल, याची अधिक चांगली जाणीव अधिकाऱ्यांना व्हावी, असे त्या म्हणाल्या.
मुंबई आणि नवी मुंबईतील प्राप्तिकर अधिकाऱ्यांसाठी सरकारी निवासस्थानांची कमतरता दूर करण्यासाठी आवश्यक पावले उचलण्याचे आश्वासन सीतारामन यांनी दिले. विविध शासकीय विभागांतील जमीन हस्तांतरण आणि मंजुरीची प्रक्रिया अधिक वेगवान करण्यासाठी प्रयत्न करण्यात येतील, असेही त्यांनी सांगितले. बीएसएनएलकडे उपलब्ध असलेल्या जमिनीचा उपयोग करण्याच्या शक्यताही तपासल्या जातील, असे त्या म्हणाल्या
