जीएसटी परिषदेची महत्त्वपूर्ण बैठक तीन व चार सप्टेंबरला-कर दर कमी करण्यावर शिक्का मोर्तब होण्याची शक्यता.

                बिहारचे उपमुख्यमंत्री सम्राट चौधरी यांच्या अध्यक्षतेखाली  नुकत्याच झालेल्या मंत्री गटाच्या बैठकीमध्ये विविध कर दरांच्या बदला बद्दल सहमती झाल्याच्या पार्श्वभूमीवर जीएसटी परिषदेने  56 वी बैठक 3-4 सप्टेंबर रोजी आयोजित केली आहे .जीएसटी परिषदेने एका कार्यालयीन  टिप्पणी द्वारे ही  माहिती दिली आहे.  या पूर्वी परिषदेची 55 वी बैठक डिसेंबर 24 मध्ये झाली होती.                                                                               मंत्री गटाने 12 % व 28% असे दोन कर दर रद्द करण्यास सहमती दर्शवल्यानंतर होत असलेल्या  अतिशय महत्त्वपूर्ण  अशा या बैठकीतून जीएसटी 2.0  च्या अनुषंगाने सोपी कर प्रणाली, अनुपालन सुलभता व वेगवेगळ्या व्यवसायातील कर भार कमी होणे अपेक्षित आहे.