आरोपी नागराज पी आणि दादाफिर बल्लारी हे बनशंकरी, बंगळूरु येथील प्रधान आयुक्त, केंद्रीय जीएसटी यांच्या कार्यालयात हाऊसकीपिंग कर्मचारी म्हणून कार्यरत होते. अधिकाऱ्यांचा ड्रेस कोड, दिनचर्या आणि छापा टाकण्याच्या प्रक्रियेची त्यांना चांगली माहिती असल्याने, या दोघांनी त्यांच्या या अंतर्गत ज्ञानाचा वापर करून अतिशय काळजीपूर्वक तोतयागिरी केली.
त्यांच्या वर्तनावर संशय आल्याने दक्षता अधिकाऱ्यांनी अचानक तपासणी केली. कार्यालयाच्या आवारात त्यांच्या खोलीची झडती घेतली असता रोख रक्कम, दादाफिरकडे १ लाख रुपये आणि नागराजकडे १५ लाख रुपये आणि काही बनावट ओळखपत्रे आणि बनावट शोध वॉरंट आढळून आली. जप्त केलेल्या वस्तूंमध्ये नागराजचे फोटो असलेले तीन बनावट ओळखपत्रे होती.ज्यात वित्त मंत्रालयाच्या अधिकाऱ्यांनी कथितरित्या जारी केलेली सहा बनावट शोध वॉरंट ऑर्डर देखील जप्त केले.
दक्षता विभागाच्या अधिकाऱ्यांनी दोघांच्या कथित कार्यपद्धतीचा शोध घेतला. वस्तू जप्त करण्याची आणि खटले दाखल करण्याची धमकी देऊन, त्यांनी एका तंबाखू व्यापाऱ्याला ५ लाख रुपये देण्यास भाग पाडले. त्यांच्याकडून मिळालेले २.५ लाख रुपये खंडणीच्या रकमेचा भाग असल्याचे मानले जाते. एका अधिकाऱ्याने सांगितले की, या दोघांनी खऱ्या अधिकाऱ्यांशी असलेल्या त्यांच्या जवळीकतेचा फायदा घेत प्रक्रियांची नक्कल केली. त्यांना माहित होते की अधिकारी कसे कपडे घालतात, कसे बोलतात, तसेच अधिकाऱ्यांच्या ड्रेस कोड, दिनचर्या आणि छापा टाकण्याच्या पद्धतींशी परिचित असलेल्या आरोपींनी त्यांच्या माहितीचा वापर करून एक अतिशय काळजीपूर्वक नाटकीय पद्धतीने तोतयागिरी केली आणि छापे टाकले. अधिकाऱ्यांशी असलेल्या त्यांच्या ओळखीमुळे त्यांना व्यापाऱ्याचा विश्वास संपादन करण्यास आणि त्याला धमकावण्यात आले असे तपास अधिकाऱ्याने सांगितले.
आरोपींना न्यायालयीन कोठडीत पाठवण्यात आले आहे, तर तपासकर्ते इतर व्यापाऱ्यांना अशा पद्धतीने फसवले गेले का, बनावट ओळखपत्रे आणि वॉरंट कसे तयार केले गेले तसेच त्यांना जीएसटी कार्यालयात तैनात करणाऱ्या आउटसोर्सिंग फर्मची भूमिका तपासत आहेत. भारतीय न्याय संहिताच्या अनेक कलमांखाली बनशंकरी पोलिस ठाण्यात गुन्हा दाखल करण्यात आला आहे.
