जीएसटी विभागाकडून कडून खत निर्मिती युनिटवर टाकलेल्या धाडीत आर्थिक अनियमितता उघड -१.६८ कोटी रुपये कराची तात्काळ वसुली

    जीएसटी विभागाने करचुकवेगिरीवर केलेल्या कडक कारवाईमुळे औद्योगिक क्षेत्रात खळबळ उडाली आहे. जिल्ह्यातील प्रमुख खत निर्मिती युनिटवर टाकलेल्या मोठ्या धाडीत महत्त्वपूर्ण आर्थिक अनियमितता उघडकीस आल्या असून, जीएसटी विभाग पुढील  चौकशी करत आहे.

       मुझफ्फरनगर (उत्तर प्रदेश) जिल्ह्यात, वस्तू आणि सेवा कर (जीएसटी) विभागाने कर चुकवेगिरीविरोधात मोठी कारवाई करत जनसाथ रोडवरील श्रीराम पोटॅश फॅक्टरीवर धाड टाकली. शुक्रवारी सुरू झालेली ही धाड सुमारे १५ तास चालली, ज्या दरम्यान विभागाच्या पथकाने कारखान्याच्या आवारातील प्रत्येक महत्त्वाच्या दस्तऐवजाची आणि व्यवहाराची बारकाईने तपासणी केली. सूत्रांनुसार, तपासादरम्यान कारखान्याच्या आर्थिक नोंदींमध्ये अनेक गंभीर अनियमितता उघडकीस आल्या. तात्काळ कारवाई करत, विभागाने घटनास्थळीच १ .६८ कोटी रुपयांचा जीएसटी वसूल केला.